Kompetencat dhe përgjegjësitë e zyrës janë si më poshtë:

– Të informojë diasporën për të gjitha të drejtat dhe detyrimet e tyre gjatë qëndrimit në shtetin amë.

– Të kontribuojë në krijimin e një baze të të dhënave për të gjitha shoqatat aktive në diasporë, duke vënë theksin në diasporën ekonomike dhe shkencore.

– Të iniciojë bashkëpunimin e organizatave vendore me organizatat në diasporë për projekte të përbashkëta.

– Të shpërndajë shpalljen e konkursit të kabinetit të Ministrit të angazhuar për diasporë për mbështetje financiare të shoqatave nga diaspora vendore.

– Të ndihmojë në krijimin e bazës së të dhënave për diasporën e biznesit, si parakusht për zhvillimin e bashkëpunimit me komunitetin e biznesit në RMV, përkatësisht thithjen e investitorëve të huaj.

– Të informojë diasporën gjatë qëndrimit në shtetin amë për mundësitë që i ofron Qeveria në mbështetjen financiare shtesë për investime të huaja dhe vendase dhe ti orientojë investitorët potencial në sistemin me një ndalesë “OneStopShop”.

– Të informojë dhe ndihmojë në njohjen e mundësive për realizimin e projekteve me partneritet publiko-privat me diasporën për investime lokale dhe rajonale.

– Të inkurajojë “turizmi i diasporës” përmes aktiviteteve promovuese në turizëm.

– Të informojë, gjegjësisht, të promovojë mësimin e gjuhës amtare për fëmijët në diasporë, si parakusht për ruajtjen e identitetit kulturor e gjuhësor.

– Të mbajë evidencë për numrin e studentëve të diplomuar nga diaspora lokale.

– Të shpërndajë konkursit e Ministrisë për Arsim dhe Shkencë për ndarjen e bursave studentore për shtetas të huaj të cilët janë me interes të RMV-në dhe janë me origjinë nga RMV-ja.

– Të promovojë programet e lëvizshmërisë (mobilitetit) për të rinjtë nga diaspora në shkolla dhe fakultete publike dhe private.

– Të marrë pjesë në realizimin e projekteve të përbashkëta me shkollat në RMV dhe shkollat në vendet e banimit ku mësojnë të rinjtë nga diaspora përmes platformave dhe programeve të ndryshme (Erasmus+, eTwinning.net).

– Të informojë për praktikat verore dhe voluntarizmin për të rinjtë nga diaspora përmes shkollave, konferencave, edukimit të bashkëmoshatarëve dhe mjeteve të tjera.

– Të shpërndajë konkursin e Ministrisë së Kulturës për programin vjetor të kulturës dhe të informojë për ngjarje të veçanta kulturore që do të ishin me interes për qytetarët nga diaspora.

– Të nxit dhe promovojë binjakëzimin e qyteteve me ndonjë komunë jashtë vendit ku diaspora jonë është në numër më të madh.

– Të ndërmjetësojë dhe të krijojë mundësi për qasje më të lehtë në shërbimet administrative të diasporës gjatë qëndrimit të tyre në shtetin amë.

– Në mënyrë që diaspora gjatë qëndrimit në shtetin amë të ketë komunikim më të lehtë me institucionet në shtet në lidhje me marrjen e informacioneve përkatëse dhe shërbimet e nevojshme, përmes telefonit apo formës elektronike, punonjësit komunalë të përcaktuar në projektin “Qendra për Diasporë” do të bashkëpunojnë me punonjësit e zyrave të Ministrisë së Shoqërisë Informatike dhe Administratës për shërbime elektronike.