Populli foli sonte zëshëm, qartë, masivisht dhe me aklamacion u rreshtua krah për krah me koalicionin VLEN, të vendosur për ta sjellë Ndryshimin e shumëpritur për shqiptarët e Maqedonisë së Veriut.
E uroj mikun tim, doktor Arben Taravarin për kandidaturën e tij për President të parë shqiptar.
Falënderoj të gjithë aktivistët, mbështetësit dhe simpatizantët që madhështuan konventën e sotme, ndërsa u kërkoj ndjesë mijëra të tjerëve të cilët mbetën jashtë dhe nuk arritën të gjejnë vend në sallën e stërmbushur në Gostivar.
