Me ftesë të Rektorit të Universitetit Ndërkombëtar Ballkanik, Prof. Dr. Lütfi Sunar, kryetari Zeqirija Ibrahimi mori pjesë në ceremoninë solemne të diplomimit të studentëve. Në këtë ngjarje, ai ishte i shoqëruar nga deputeti Bekim Sali.

Gjatë pjesëmarrjes së tij, kryetari Ibrahimi theksoi rëndësinë e arsimit si themeli më jetik i çdo shoqërie. Ai vlerësoi lart rolin që Universiteti Ndërkombëtar Ballkanik luan në përmirësimin e arsimit në vend, duke ofruar kushte moderne dhe cilësi të lartë akademike.