Sot, në selinë e Alternativës, ishte në vizitë ambasadorja e RF të Gjermanisë, Petra Drexler, e shoqëruar nga këshilltarja e saj, Bjanka Ordanovska. Ajo u prit nga kryetari i Alternativës, Afrim Gashi, dhe nënkryetarja Safije Sadiki Shaini.
Temë e këtij ishin zhvillimet aktuale politike, si dhe pozicioni i Alternativës kundrejt tyre.
Me këtë rast kryetari Gashi e njoftoi Ambasadoren për qëndrimin e Alternativës, si pjesë e koalicionit Lidhja Europiane për Ndryshim, kundrejt punës në Kuvend, ku tashmë një javë deputetët e saj nuk marrin pjesë. Ai foli për problemin që e ka shkaktuar kryetari i Kuvendit dhe shumica parlamentare duke e shkelur Kodin Zgjedhor, në mënyrë që opozita shqiptare të mos e marrë anëtarin e saj në KSHZ.
Përveç kësaj, në takim u fol edhe procesin e eurointegrimit dhe ndryshimet kushtetuese, për çka kryetari Gshi e përsëriti qëndrimin tashmë të njohur se Alternativa, por edhe koalicioni LEN, nuk ka dilema për këtë temë, duke qenë një parti dhe koalicion i përkushtuar në mënyrë të veçantë për integrimin e vendit në BE.
Ambasadorja gjermane e përshëndeti angazhimin konstruktiv të Alternativës dhe shprehu inkurajim për ruajtjen e kursit eurointegrues, kjo në interes të gjithë qytetarëve të Maqedonisë së Veriut.
![](http://alternativa.org.mk/wp-content/uploads/2024/01/419221354_942318383924351_851554264029949994_n.jpg)
![](http://alternativa.org.mk/wp-content/uploads/2024/01/419355682_942318413924348_1087983723621492598_n.jpg)
![](http://alternativa.org.mk/wp-content/uploads/2024/01/419358326_942318357257687_4825608457311631581_n.jpg)