Kisha kënaqësinë sot, bashkë me Bilallin, Arbenin dhe deputeten Merita Koxhaxhiku, të takojmë në Kuvend eurodeputetin dhe raportuesin e përhershëm të Parlamentit Evropian për vendin tonë, z. Thomas Weitz.

Në takim, theks i veçantë u vendos në procesin eurointegrues, ku z. Weitz u informua mbi angazhimin dhe përpjekjet tona si koalicion VLEN për të përmbushur reformat e nevojshme në rrugën drejt anëtarësimit në Bashkimin Evropian. Diskutuam gjithashtu sfidat aktuale dhe rëndësinë e mbështetjes së Parlamentit Evropian në këtë proces.

Z. Weitz vlerësoi progresin e bërë dhe theksoi rëndësinë e bashkëpunimit të ngushtë për të siguruar një integrim sa më të shpejtë dhe të suksesshëm. Takimi ishte një mundësi e vlefshme për të shkëmbyer mendime dhe për të forcuar bashkëpunimin tonë me institucionet evropiane.