Sot kryetari i Alternativës, Afrim Gashi, e priti në Kuvendin Republikan deputetin e CDU-së të Bundestagut Gjerman Ralph Brinkhaus.
Me këtë rast kryetari Gashi bisedoi me z. Brinkhaus për aktualitetin politik të vendit tonë, veçmas për procesin e hapjes së negociatave, që është i ndërlidhur me ndryshimet kushtetuese në RMV.
Me këtë rast Kryetari Gashi e informoi deputetin Brinkhaus për qëndrimin e Alternativës përkitazi me këto ndryshime, si edhe me nevojën që këto ndryshime kushtetuese të përfshijnë edhe luftën kundër korrupsionit dhe rritjen e kohezionit ndëretnik.
Deputeti gjerman ka shprehur përgëzime për angazhimin e Alternativës dhe ka shprehur inkurajim që të vazhdohet agjenda eurointegruese, si rruga e vetme që garanton prosperitet për demokracinë e vendit dhe mirëqenien e qytetarëve të RMV-së.
![](http://alternativa.org.mk/wp-content/uploads/2023/07/356644112_836358617853662_5491982374865668081_n.jpg)
![](http://alternativa.org.mk/wp-content/uploads/2023/07/356393343_836358671186990_6104533703677429651_n.jpg)
![](http://alternativa.org.mk/wp-content/uploads/2023/07/356237934_836358551187002_5297534243021181056_n.jpg)