Me 72 vota kundër dështoi përpjekja e disave për të tërhequr vëmendje dhe për ta ulur sado pak rënien e lirë tek sytë e qytetarëve. E përshëndes dhe e uroj vendimin e deputetëve që nuk lejuan që për pikë të ulëta politike të njolloset puna e kryetarit të Kuvendit, Afrim Gashi.

Me këtë deklaratë të kryeparlamentarit u urojmë natë të mirë të gjithë atyre që e planifikuan dhe motivuan këtë “interpelancë”

“Kjo nuk është një interpelancë kundër Afrim Gashit, por kundër përkatësisë fetare të kryetarit të Kuvendit. Kjo nuk është një interpelancë për tejkalimin e kompetencave të kryetarit të Kuvendit në lidhje me sigurinë, por kundër marrëdhënieve fqinjësore dhe angazhimeve për të tërhequr njohjen e Kosovës. Kjo nuk është një interpelancë për shkeljen e pretenduar të Ligjit për gjuhët, por për shkak të fobisë ndaj gjuhës shqipe dhe përkatësisë etnike të kryetarit”.